Antarctica-a vur hlawm te chu a tuiral chak hle a, kumtin ton tluklehdingawn 200 vel zet chu tuifinriatah tuiralin, tuifinriat chimchin pawh kumtin milimetre chanve in a tisang zel tih scientist rual 80 ten an hmu chhuak.
Vur tlang tuiral chak dan hi kum 10 kal ta chhung khan a letin a chak tih a zirchiangtu Scientist rualte hian an sawi a, hetiang renga a tuiral chak a nih chuan tuifinriat chim chin sang chho zelin inrin hmain harsatna a thlen thei dawn a, hmun hniam zawka awm khawpui hrang hrangte chu an inrin hmain tuifinriat chim chin sang zelin a ti buai thei dawn a ni an ti. Hetianga Antartica vur tuiral chak lutuk avanga harsatna thleng thei veng tur hian sik leh sa inthlak danglam tirtu boruak \ha lo green house ti chhuak tlem tura nasa leh zuala khawvel in \an a lak a ngai dawn a ni.
Antartica ah hian kum 2012 a\anga 2017 inkarah khan vur ton tluklehdingawn 219 a tuiral hman a, hemi hmalam kha chuan kum 10 chhungin ton tluklehdingawn 73 a tuiral a, 2012-2017 ah hian a let thum zetin a tuiral chak tihna a ni. He zirchianna hi Antartica chungchanga mithiam bik, scientist rual te neih a ni a, an report hi, ‘Ice Sheet Mass Balance Inter-comparison Exercise” (IMBIE) tia vuah a ni.
