Ram puma khua leh tuite hming ziahna, National Register of Citizens puanzar a nih chuan Assam-ah buaina a chhuak thei dawn niin sorkar laipui-in Supreme Court a hrilh. Kum 2014 a\ang khan NRC hi kum 1951 chhiarpui behchhana siam \hat mek a ni a, NRC siam \hat hi sorkar laipui, state sorkar leh All Assam Students Union ten kum 1985-a inremna an siam, Assam Accord-ah khan telh a lo ni tawh a, kar hmasa Nilaini thleng khan mi vbc 3 leh nuai 29 chhinchhiah belh an ni tawh a ni. Sorkar laipui ukil, Attorney General, KK Venugopal chuan NRC siam \hat a nih avang hian mi nuai telin khua leh tui nihna an hloh thei dawn nia hriat a nih avangin, Assam-ah buaina a chhuah mai a hlauhawm hle tih a sawi a, fimkhur thila hmun hrang hrangah ven him hna thawk turin sipai-te pawh sorkarin a tir chhuah niin a sawi bawk.
Chanchin Thar NRC puanzar chuan Assam-ah buaina a chhuah sorkar laipuiin hlau
