Heng bak chikhat, flying fox tia sawi te hi celcius degree 42 aia lumah an dam thei lo a, khawlum lutuk avang hian an thi nasa hle a, bak thi ruangte hi luiah leh a vel khawmualah te tam tak hmuh tur a awm a ni.
Western Sydney University-a mithiam, he thil thleng zirchiangtute chuan November ni 26 leh ni 27, ni hnih chhunga bak thi zat hi 23,000 chuang a ni an ti a, zirchianna kaihruaitu, Dr Justin Welbergen chuan a tak takah chuan bak thi zat hi sing 3 chuang a nih ngei a rin thu a sawi.
