Northern White Rhino pa dam awm chhun thi, chi mang ta

Samak chi khat, Northern White Rhino zinga a pa dam la awm chhun chu a thi tih a enkawltu Kenyan Conservancy in an puang a, hetiang samak hi a nu ve ve pahnih chiah khawvelah an dam ta a ni. Ol Pejeta Conservancy thuchhuah tarlan danin kum 45-a upa he samak, Sudan tia a hming vuah hi natna chi hrang hrang vanga a chak loh zual zel avangin damdawi-a chiu hlum a ni a, Sudan hi a upat tawh vanga natna chi hrang hrangin a tlak buak bakah a ti hrawl leh a ruh te pawh a chak tawh lo a, a vunah hliam na tak a a nei bawk. A dinhmun a \hat loh chhoh zel avang hian Dver Kralove Zoo-a mithiamte, Oi Pjeta leh Kenya Wildlife Service mithiamte chuan chiu hlum mai \ha zawka an hriat avangin an chi hlum ta a. Hetiang samak hi khawvelah pahnih chiah an dam ta a ni.