North Korea rel Beijing-ah hmuh a ni

North Korea rel Beijing-ah hmuh a ni a, North Korea hotu Kim Jong-un a’n China a tlawh a nih ngei rin a ni. Japan chanchinbu chuan North Korea ram hruaitu lu zinga mi pawimawh tak chu Beijing ah hian kalin, venhimna khauh tak hnuaiah inbiak a ni tih a tarlang a, South Korea chuan he mi pawimawh hi tunge a nih a hriat loh thu sawiin, thil awmdan erawh a thlithlai reng tih a sawi thung a, he mipawimawh hi Kim Jong-un anih chuan kum 2011-a North Korea thuneihna a chan hnua ram dang a tlawh lehna hmasa ber a ni ang. China leh North Korea te chuan hemi chungchang hi engmah an la puangzar lo a ni. Thla hluiah khan US President Donal Trump a’n Kum Jong-un nena inbiak a remtih thu a lo puang tawh a, Politics lam ngaihventute chuan inbiakna an neih hma hian North Korea leh China ram hruaitute hi an inrawn hmasak ngei an ring a ni. China hi sumdawnna kawngah North Korea sangawizawnpui ber a ni.