UN Security Council-in North Korea hrekna thar a pawm hnuah, North Korea chuan vawiin khan ralthuam lama a thil bawhzui mek chu ngawrh lehzuala bawhzui zel a tum thu a puang a, US-a North Korea chungchang zirtu, 38 North chuan tun thla ni 3-a North Korea-in nuclear bomb chi khat, hydrogen bomb a en chhin chu a tira an rin dan aiin a hlauhawm zawk niin a sawi a, kum 1945-a US-in Japan rama Hiroshima khawpuia a thlak, atom bomb let 16 velin a puak na zawk nia sawiin, kiloton 250 vel niin a sawi. North Korea Foreign Ministry chuan US sorkarin a duan, UN hrekna thar hi na takin demin, ram sum dinhmun, sorkar leh mipui tihchhiat tumna niin a sawi a, North Korea sorkar chuan a ram thuneihna leh dikna humhalh turin ralthuam tihchak lehzual a tum niin a sawi bawk.
Chanchin Thar North Korea in ralthuam ngawrh lehzual bawhzui tum
