Missile pahnih enchhin hi Wonsan a\angin zing dar 5:06-ah kahchhuah a ni a, he missile hi km 250-a thui, km 30-a sang thlawkin, Japan Tuipuiah a tla a ni.
North Korea-in missile a kahchhuah hi South Korea leh US sipaiten a huhova sipai nunchan zir an tum tih \haihna chikhata ngaih a ni. South Korea defence minister, Jeong Kyeong Doo chuan tun \uma North Korea missile kahchhuah hi missile dang aiin a danglam niin a sawi.
Ni 6 liamtaah khan North Korea hian missile pahnih an lo kap chhin tawh bawk a, North Korea hi US leh South Korea sipaiten nunchan zirho an tum an \hulh duh loh avangin a lungawi lo hle a, a thinrim hrikthlak nan leh ralthuam lama a thil tih theih pholan nan missile hi a la kah chhin zel rin a ni.
