North Korea-in missile kapchhuak leh

North Korea chuan khawmualpui dang kap phak, intercontinental ballistic missile a kap chhuak leh a, tun hi thla hnih hnua hetiang missile a en chhin leh vawi khatna a ni a, North Korea sorkar media chuan he missile, Hwasong 15 tia vuah hi an ram sanaa tukin dar 3 vel khan hlawhtling takin an kap chhuak niin a sawi. Hwasong 15 hi North Korea missile kah chhuah tawh zinga thleng hla ber a ni a, America khawmualpui chauh ni lo, Washington khawpui bakah US chhak lam tuifinriat leh a chhehvel pawh a kap pha mai thei nia sawi a ni a, North Korea sorkar chuan he missile hi a hmaa a lo en chhin tawhte aiin a let tam takin a hlauhawm zawk a, nuclear ralthuam lian tak a phur thei a, a ICBM neih zinga \ha ber niin a chhal a ni. North Korea chuan Hwasong 15 hi km 4,475-a sang leh, km 950-a hla a thlawh hnuah tuiah a tla niin a sawi a, mi thiamte chuan missile hi hei aiin thlawk hniam sela chu, a thleng hla lehzual thei dawn niin an sawi a, North Korea hian hma a sawn nasa hle niin an sawi a ni.