North Korea-in missile kapchhuak leh

North Korea ramin nuclear bomb a en chhin a\anga chawlhkar hnih pawh a liam hmain, t<kin khan missile a kap chhuak leh a, missile hian Japan ram a thlawh khum leh a ni. South Korea chuan North Korea hi chhang let nghalin, missile pahnih a kap chhuak ve a ni. South Korea sipaite sawi danin, missile hi North Korea khawpui, Pyongyang-a Sunan district a\angin Korea ram sanaa tukin zing dar 7 vel khan kah chhuah a ni a, a hma ang bawkin Japan rama Hokkaido thliarkar thlawh khumin, km 770-a sang, km 3,700-a thui a thlawh hnuah Hokkaido bula tuifinriatah a tla a ni. Japan PM, Shinzo Abe-a chuan North Korea hi na taka demin, a chet dan hlauhawm tak chu en liam a tum loh thu leh a palzam theih loh thu a sawi a, US Secretary of State, Rex Tillerson-a pawhin North Korea hi na taka sawiselin, America leh Japan rawtna angin, UN Security Council \hut khawm koh nghal a ni. Puan tawh angin, thla hlui ni 29-a North Korea missile kah chhuah khan Hokkaido thliarkar hi a lo thlawh khum tawh a, missile hi km 550 vela sang, km 2,700-a thui a thlawh hnuah Pacific tuifinriatah a tla a ni.