US President Donald Trump-a’n na taka chhan leta a vau hnuah, North Korea chuan vawiin khan US awp, Pacific tuipuia thliarkar, Guam chu missile hmanga beih dan tur ruahman a tum niin a sawi. Nimin khan President Trump-a chuan thuthar lakhawmtute hmaah North Korea-in US a vau leh a nih chuan khawvelin a la hriat ngai loh khawpa na-in a chhang let dawn tih a sawi a, puan tawh angin, UN Security Council-in North Korea hrekna thar a pawm hnuah, North Korea chuan hrekna thar hian awmzia a neih loh tur thu sawiin, tha a tih dan anga awm zui zel a tum thu a sawi a ni. North Korea hian mi 1,60,000 vel chenna, Guam beih dan tur chu ngun takin a zirchiang mek tih a sawi a, an beih dawn leh dawn loh chu an ram hruaitu lu, Kim Jong Un-a kutah a innghat tih sawiin, thutlukna a siam hunah ruahmanna hi kal tlangpui a ni dawn tih a sawi a ni.
Chanchin Thar North Korea-in Guam beih tum
