Heng ram dang mite hi North Korea khawpui, Pyongyang-a ram palai hna thawk deuh vek an ni a, heng mite bakah hian ram dang mi 200 velte chu ni 30 chhung an chenna hung chhung pel lo tura hriattir an ni a, hemi hun chhung hi a ral hnuah a pawtsei leh a ni. Hetihlai hian North Korea-ah chuan Covid-19 vei hmuh an la awm lo thung.
South Korea-ah chuan mi 763-in Covid-19 hi an vei tawh a, an zinga mi 7-in an thihpui tawh bawk. South Korea-ah hian sipai 11-in he natna hi an kai vangin sipai 7,700 vel khung hran an ni.
Tun dinhmunah China a\anga \aidarh Covid-19 hi ram 29-ah a \aidarh tawh a, Europe-ah chuan Italy chu coronavirus kai tamna ber niin, mi 152-in an kai tawh a, Italy ram hmar lam Veneto leh Lombardy-a cheng mihring sing nga velte chu kar hnih chhung inkhung hrang tura tih an ni bawk. Hetihlai hian Iran-ah pawh mi 43-in Covid-19 hi vei tawhin mi 8-in an thihpui tawh bawk.
Covid-19 awm \anna hmun China khawpui pakhat, Wuhan-ah chuan Covid-19 la kai lo leh natna engmah nei lo ram dang mi engemawzat te chu Wuhan chhuahsan phalsak an ni a, an ni bakah hian Wuhan chhuahsan ngei ngei ngai te leh inenkawlna mamawhte pawh Wuhan chhuahsan phalsak an ni a, hemi rual hian Wuhan an chhuahsan theihna tura phalna an lak hmasak a ngaih bakah an hriselna dinhmun pawh ni 14 chhung enthlak an ni phawt dawn a ni.
Wuhan khawpui hi January ni 23 a\ang khan tlawh pawh theih loha khar \an a ni a, inkalpawhna hmanraw hrang hrang kharin, a chhunga chengte pawh hmun danga an zin chhuah khap an ni.
China bikah chuan Covid-19 vanga thi zat chu mi 2,500 an chuang tawh a, mi 7,7150-in an kai tawh a ni.
