Siti Aisyah leh Vietnam mi Doan Thi Huong te hi Kim Jong Nam-a thihnaah thubuai siamsak an ni a, Siti lakah hian finfiahna a tlem avangin he thubuai-a a khingtute chuan a laka tual thah thubuai siam chu sut leh turin court-ah dilna a thehlut a, court remtihnain Siti chu chhuah a ni a, amaherawhchu Siti ukil-in he thubuai-a thiam chantir a dilna erawh a hnawl a, a laka finfiahna thar a awm leh a nih chuan man leh theih a nih tur thu court chuan a sawi.
February ni 13, kum 2017 khan Kuala Lumpur a\anga Macau kal tum, Kim Jong-nam chu hmeichhe pahnih, Doan Thi Huong leh Siti Aisyah te hian panchilhin, Siti hian a hmai a khawihsak hnuah an kalsan a, Kim hi damdawi in an panpui laiin a boral a, chemical hlauhawm berte zing ami, nerve agentt VX vanga thi a ni tih hriatchhuah a nih hnuah hmeichhe pahnihte hi man an ni a, anni chuan he thil thlen hma ni engemawzat kal ta a\ang khan fiamthu thawh nan thlawhna \um hmun, khualbuk leh bazaarna hmunah te mi hmaia thil tuiril tat turin pawisa pek an nih thu an sawi a, North Korea chuan he thil thleng-ah a inrawlh loh thu sawi mahse North Korean mi 4, Nam-a thih ni-a Malaysia tlanchhuahsantute chu tual thah thubuai siamsak an ni a, amaherawhchu tun thleng hian an chin hriat a ni lo a ni.
Kim Jong-nam hi a pa Kim Jong-il-a thih hnu khan a aiawh tura rin a ni a, a nau Kim Jong-un hian thuneihna a chang ta zawk a, a chhungte hian an ensan avangin Macau, China leh Singapore-ah a hun tam zawk a hmang \hin a, North Korea-a a chhungte rorel dan chu a lo sawisel tawh \hin a, kum 2012-a lehkhabuah a unaupa hian ram hruaitu nih a tlin loh thu a ziak lang bawk.
