North Korea hacker-te’n South Korea sipaite computer a\angin lehkha pawimawh eng emaw zat an ru chhuak

North Korea rama computer khawih chingpen thiam, hacker-te’n South Korea sipaite computer a\angin lehkha pawimawh eng emaw zat an ru chhuak nia sawi a ni a, an ruk chhuah zingah hian US leh South Korea-in North Korea hruaitu lu, Kim Jong Un-a thah tuma an phiar rukna pawh a tel nia sawi a ni. South Korea hotu pakhat, Rhee Cheol-hee chuan hemi chungchang hi an ram Defence Ministry a\anga a hriat chhawn niin a sawi a, he thil hi nikum September thlaa thleng kha a ni a, North Korea hacker-te hian Defence Integrated Data Centre a\angin South Korea sipaite lehkha pawimawh, gigabyte 235 chuang an ru chhuak a ni. North Korea hacker-te thil ruk chhuah zingah hian indona thleng thei laka US leh South Korea inpuahchahna chungchang inziahna lehkha pawh a tel nia hriat a ni a, South Korea Defence Ministry chuan he thilah hian engmah a la sawi duh lo a, May thla khan South Korea hian an thur<k pawimawh tam tak ruk bo a ni tih leh, North Korea chu a rinhlelh thu a sawi a, North Korea chuan he puhna hi a hnawl a ni.