North Korea leh ram dangte innghirnghona boruak sang zualpui dai tawh mahse, an ram venhimna dinhmun thlirletna an neihah Japan chuan North Korea chu an ram tan a la hlauhawm reng tih hi a sawi a, kum 2018 chhunga an ram himna dinhmun tarlanna ah China in a sipai a thuam chak zel pawh thil ngaihmawhawm a nih thu tarlan a ni a, China chet dan chu Japan ram bakah khawvel ramdangte tan pawh a ngaihthatthlak loh hle tih an sawi a, a bikin takin North Korea in nuclear ralthuam leh missile a kalpui danah danglamna a la awm chuang lo tih tarlan a ni bawk. North Korea laka invenhimna turin Japan hian an ram venhimna a ti chak chho mek a, dollar tld 4.2 zet hmangin US siam radar changkang chi te bun chhoh a tum a ni.
