Hei hi Lawngtlai District-a ni 3 neihna leh a zawhfel a ni a, hemi hma lam hian AOC veng leh Paithar-ah te lo neih tawh a ni. Discover North East – Mizoram 2019 hawngtu Lawngtlai Bawrhsap, Pu N. Chakhai chuan India rama District kilkhawr ber zinga mi, Lawngtlai District-a hnam hrang hrang ziarang leh lam te inentir tawnna buatsaih a ni chu hnam nun humhalh nan leh phochhuah nan bakah inunauna leh inpumkhat nan thil \angkai niin a sawi a ni.
He inkhawm hi LADC-a Deputy Secretary, Pu LZ Tluanga’n a kaihruai a, hetah hian Art & Culture Department-a Programme Coordinator, Pu F. Lalthanmawia chuan India ram hi zone hrang hrang 7-ah \hen a ni a, hmarchhak biala state 8 te chu North East zone hnuaiah a awm a, chu chuan Mizoram pawh a huam niin a sawi a ni. He hnam lam entirnaah hian Mizoram bakah Odisha, Jharkhand, Tripura leh Assam a\angin cultural troupe pakhat \heuh an tel a, chungte chuan an hnam lam \heuh an entir a, YLA Chanmari Branch-in Chawnglaizawn a entir a, Council Veng Branch-in Sarlamkai leh College Veng Branch-in Cheraw an entir bawk.
