Bualpuia Coffee Board Training Hall-a vawiina coffee chin dan chungchang mipuite hrilhfiahna inkhawm neihah he thu hi sawiin, Coffee Board Jt. Director chuan coffee chu thildang nen chin pawlh theih leh sum hnar \ha tak a tling niin a sawi a, tun dinhmunah Mizorama district panga, Kolasib, Mamit, Aizawl leh Champhaiah te NLUP \anpuina dawng mi 121 te chuan coffee an ching mek a, heng mite nen hian Mizoram puma coffee chingtute chu chhungkaw 2,200 niin a sawi a, nikum chhunga coffee an thar chhuah chu kg 22,567 a tling niin a sawi. He inkhawma tel Kolasib Bawrhsap, Dr. Arun T. chuan mihringte nunna atana thil pawimawh chu leilung tlawh chhana buh leh thlai chin a ni tih sawiin, leilung tlawh chhana ei leh in tur thar chhuah kawngah Mizoramin a dinhmun a siam\hat hmasak a ngai niin a sawi a ni.
