Aizawl Bazarpui enkawltu, Commerce and Industries Department hnuaia Commerce Wing hotute chuan, vawiina No Vehicle Zone siam a nih avang hian Bazar a lun phah deuh nia an hriat thu an sawi a. Nikum khan sorkar laipuiin pawisa Note lian a tihhlum avangin kum dang zawng aiin Bazar a thawl deuh a, kuminah erawh chuan harsatna dang a awm loh avangin Bazar-a kal mipui pawh an tam deuh nia an hriat thu leh Bazar hi a lun viau nachungin, kum dang zawng aiin thil bo leh harsatna tawk report an dawng tlem zawk niin an sawi a, a khat tawkin Bazara kal mipuite chu aurinna hmangin fimkhur tura an chah \hin thu leh Bazar chhung hmun 3-ah Police an Duty chuan nasa takin an hnathawh a \anpui niin an sawi. Sumdawngte pawhin, inhralh tam lutuk lo mah se, nikum lam ai chuan tlemin inhralh a nuam deuh zawk niin an sawi hlawm a ni.
Krismas leh kumthar vuakvetah mipuiten thlamuang taka chakkhai an lam theih nan Aizawl SP ruahman angin December ni 13 a\ang khan Aizawl Bazar chhung hmun lun lai 3 – Dawrpui Taxi Stand, Power House piaha Pu V. Lalliana Building bul leh Bazar chhung High Mass bulah Police Temporary Help Desk siam a ni a. Hmun hrang hranga Police Duty-te chuan, anmahni hruaitu, an chhungte nena inhloh naupang bo leh pawisa leh Bag tibo an awm zeuh zeuh tih loh chu mipui lam a\angin harsatna an dawng mang lo tih an sawi.
