Nakt<k leh naktip-ah Aizawl khawpui laili-ah motor kal phal lohna hmun siam a ni dawn a, hei hi Krismas leh kumthar lo thleng turah Bazar leh a chhehvela ke-a kalte an him zawkna tur leh, hlauthawng lova an ch>t vel theih nana tih a ni. Traffic SP, Pu C. Lalthanmawia sawi danin, No Vehicle Zone hi Zodin Square leh Chanmari, Hrangbana College bul inkarah, chawhma dar 10 a\anga tlai dar 4 thleng siam a ni ang a, hemi chhung hian thirsakawr leh Nawrlirh tiamin lirthei eng chi mah tlan luh phal a ni dawn lova. Hei hian Hospital Emergency duty bakah natna avanga Damdawi in pante erawh chu a huam dawn lo a ni. No Vehicle Zone siam a nih chhung hian Aizawl khawpui laili-a kawngpui ber khar a nih dawn avangin, Aizawl Civil Hospital a\anga damlo chhuak, chhim lam pan turte chu Dawrpui Biak In bula kual kher lovin, Bazar Bungkawnah an tlan tlang thei dawn a; Dawrpui Taxi Stand chu Bâza Tlang hnuai leh AR Quarter Guard hnuaiah sawn a ni ang. Chanmari kawn leh Power House inkarah lirthei hûn phal a ni dawn lova, he kawngah hian LMV chin hnuai lam, an mi phurh turte lam tur leh dah turte tan khawi zawng pawhin tlan phal a ni a, P&E Pisa kawt zawlah kualin dropping zone-ah an mi phurh turte lam leh thlah zawhah Chanmari lamah tlan let leh tur a ni. Aizawl chhim lam a\anga hmar lam pan turte chuan tlak lamah Temple Square a\angin Vaivakawn lamah kalin, Hunthar veng lam an pan ang a, LMV leh a hnuai lam chu Company peng lamah kalin Bawngkawnah a chhuah choh theih ang a, Chanmari West lamah kalin, Chanmari kawnah an chhuak chho thei bawk ang. Chhuah lamah chuan Sikulpuikawn a\angin Republic veng lamah kalin, Bethlehem a\angin Chhinga veng lamah a kal theih dawn a. Teasury Square a\angin Republic veng lamah kual lutin, Electric veng lamah a chhuah theih dawn bawk a ni. Hmar lam a\anga chhim lam pan turte chu tlak lamah – Chanmari Biak In bul a\angin Chanmari West lamah chhukin Vaivakawn lamah a kal theih dawn a. Chhuah lamah chuan Bawngkawn a\anga kawng hnuaiah kalin, Ramhlun tan tlangin Electric a\angin ITI veng lamah kal theih a ni ang.
No Vehicle Zone helna kawngah hian lirthei eng chi mah kawng dala dah phal a ni dawn lova, hei hian chhiat rupna, kangmei chhuak leh Emergency-a duty te a huam lo a ni. No Vehicle Zone hi nakt<k leh naktip, Inrinni-ah siam a ni ang a, tun thla ni 30, kar leh Inrinni-ah siam leh a ni bawk ang.
