NLUP Implementing Board Chairman in Congress MLA te hnenah chauh NLUP pek tur chhungkaw 400 \heuh thlang tura a ti chu NLUP tuipuitu MLA te hnenah an pe nia ngaih mai tur a ni tih Agriculture Minister in a sawi. Vawiin Assembly rorel inkhawmah eptu pawl Group Leader, Pu Vanlalzawma’n kumin February ni 9 khan NLUP Implementing Board Chairman-in DO letter hmangin rorellai MLA-te hnenah an bial chhung \heuha NLUP pek theih awm mi 400 \heuh lo thlang chhuak turin a hriattir tih a sawi a, he hriattirna hi eptu MLA-te pek an nih ve loh chhan a zawhna chhangin Agiculture Minister Pu KS Thanga chuan NLUP tuipuitu MLA te hnenah an pe nia ngaih mai tur a ni a ti. Sorkar Flagship Programme NLUP hi Mizorama chhungkaw 1,34,689 hnenah pek a ni tawh tih Agriculture Minister, Pu KS Thanga hian a sawi a, NLUP sem tawh a\anga Sorkar-in a sum sen zat chu cheng vbc 1293 leh mtd 6 a nih thu leh, NLUP dawngtu zinga chhungkaw \hahnem tak chuan hlawhtlinna an hmu chho mek tih a sawi. Tunah hian NLUP hlawhtlin dan zirchianna, Impact Analysis tih mek a ni a, hei hi zawhfel a nih hun hunah NLUP hlawhtlin dan kimchang chiang zawka hriat theih a ni ang a ti a, NLUP chu chhunzawm zel tur niin, nimina Finance Minister, Pu Lalsawta’n kum 2018-19 atana Mizoram Budget a pharh takah pawh NLUP chhunzawmna tur cheng vaibelchhe 80 dah a ni a ti. Zawhna belhna dangte chhangin Agriculture Minister chuan, NLUP dawng theite chu Sorkar hnathawk ni lo, kut hnathawh hmanga eizawng, kum 1-a cheng nuai 1 aia tam lo lalut an ni tih sawiin, hei bak tehkhawng dang a awm lo tih a sawi a. NLUP \anpuina an dawn hnuah chhungkaw engemawzat chuan tun hmaa an sum lakluh let aia tam an lalut mek nia sawiin, India ram mai ni lo khawvel pumah pawh hetianga mipui ham\hatna tura a hranpaa Programme duan hi a awm lo niin a sawi a, Prime Minister, Pu Narendra Modi pawhin NLUP chu \ha a tih avangin State dangte chu ennawn ve turin a rawn hial niin a sawi bawk. Minister-in zawhna a chhan zawha thil nihphung a sawifiahnaah House Leader, Pu Lal Thanhawla chuan, an Sorkar chhung chu NLUP an sem chhunzawm tur thu a sawi a. Kum 2013-a Assembly inthlanpui Result puan zawha eptu pawl lian ber, MNF President-in an chak loh chhan chu NLUP an hneh loh vang tih a sawi chu NLUP hlawhtlin leh hlawhtlin loh tehna \ha ber niin a sawi.
