Mizoram Sorkar Flagship Programme, NLUP hnuaia tun hnaia vawk note sem chu kawthalo vangin an thi niin Prism-in an sawi a, vawk note thi leh damlo chu Sorkar-in a ngaihsak zui lo niin an sawi. Tun thla ni 9 khan Mamit District-a Serhmun khuaah vawk thlangtu chhungkaw 20 hnenah vawk note sem niin, chhungkaw 20 zinga chhungkaw 15-in vawk note an dawn chu a tuk atangin a thi a, vawiin thleng kha vawk note 38 thi tawhin, damlo mek 32 a awm bawk niin an sawi a. Siaha District-a Saikao khuaah pawh tun thla ni 16-a vawk note an sem chu a tuk atangin kawthalo vangin an thi nghal a. Heng vawk note thi leh damlo hi sorkar chuan a ngaihsak zui lo niin Prism chuan an sawi a ni.
