Hlakungpui kawngko minin Bengkawmsena Tlang-a vangtlang tuilâkna tuidawt, GI Pipe a hnawl chhe bawk a, siam\hat nghal anih chuan mipui tan harsatna thlen theih a nih avangin leilaihkhawl, Excavator hmangin leivung thenfai hna thawh nghal a ni.
Tukin vek khan Khawbung leh Biate inkar kawng, Tlaikuang kangah kangko lung chimin khualzinte a dan avangin Khawbung VC leh Khawbung Branch YMA-ten PWD hotute be pawpin mimal leilaihna khawl ruaiin an thianfai a, nimin tlai khan Khawbung ram vek Bellei Muali-ah zin vei vak engemawzat lungchimin a dan chu hnawhsa ruma then fai nghal a ni tawh bawk. Champhai leh N Vanlaiphai inkar kawng siam\ha turin SLT Infraco rawih a ni a, amaherawhchu, mipui harsatna hrethiamin PWD hotute rang taka hma lak theih nan Khawbung VC leh YMA te ruahmanna an siampui a, Khawbung khawtlang hruaitute chuan lawmawm an tih thu an sawi a ni. Hei bakah hian Zawlsei khaw chhunga CNV Road kawngko min chu Zawlsei Branch YMA member mi 50 velin hnatlangin an thianfai a ni.
