He thil thleng chungchanga Zonet thudawn danin, Khatla Corps band te hian nizan khan Khatla Corps Biak inah rimawi tum an zir a, Biakin bul-a cheng Benjamin Lalruata Chawngthu, Pu B. Thangtinliana fapa chuan zan dar 8:30 velah bengchheng tiin zir tawh lo turin a ti a, hemi hnu hian kal nawn lehin, kut inthlakna a thleng zui ta a ni. Kut tuar hi rimawi tum zir mekte zinga mi John Zothanmawia a ni a, a lu ah hliam a tuar a, damdawiinah first aid pek anih hnuin chhuah tir leh nghal a ni.
He thil thleng avang hian veng chhung mi engemawzat an pungkhawm a, Police te chuan kutthlaktuta puh Pu B. Thangtinliana leh a fapa Benjamin Lalruata Chawngthu bakah a tupa John Lalhruaitluanga te chu an man a, court-a hruai an nih hnuah Central Jail-ah dah luh an ni.
