In hnuai pindan lam a\angin kangmei hi a in\an a, hriat a nih veleh \hleh tuma beih nghal ni mahse in hnuai lam hi a lo kan nasat hman tawh avang leh thli a tam avangin \helh theih a ni lo a, vanneihthlak takin hliam awm lovin in-a chengte hi an insaseng hman a, hetihlai hian gas cylinder puak vangin, kang\hlehtute zinga mi panga a hliam a, Serchhip Hospital-ah hruai nghalin, an zinga 2, Police Sub Inspector Pu Lalbiaksanga leh Pu V. Lalrintluanga te chu first aid pek an nih hnuah chhuahtir an ni a, midang 3, Vanlalpeka Serchhip Vengchung, Huntharmawia Serchhip Vengchung leh Lalchhuanawma Ralte Zozam vengte chu damdawiinah enkawl zui an ni a, Lalchhuanawma Ralte Zozam veng mi hi a hliam zai nghal a ni.
Kangmei a chhuak tih hriat a nih veleh Vengchhung mi tlawmngaite pungkhawm nghalin, Serchhip Fire & Emergency Service te pawh hriattir nghal an ni a, kang\hleh motor 2 hmanga \helh tum nimahse in hi a kang chhe vek hman a ni. In kan chhan tak hi hriat la ni lo mah se, in hnuaia Ar vulhna a\anga in\an nia rin a ni.
Bialtu MLA Pu Lalduhoma leh CM Adviser Pu C Lalramzaua te bakah mimal leh pawl \hahnem takin kangmei tuarte \anpuina an pe a, Serchhip DC leh Disaster Management & Rehabilitation Deptt.- hotute pawhin kangmei tuarte \anpuina awm theite an ngaihtuah sak nghal a ni.
