Vairengte Jt VC in an sawi danin nizan dar 8 vel khan Vairengte Gate paltlang tum, nitin mamawh phur ni lo, Iron rod leh thir lam chi phur lirthei bakah motor spare parts phur leh JCB phur motor lian ten Vairengte Police Gate paltlang an tum a. Vairengte Joint VC ten Mizoram lut lo tura an duh thu Police hotute leh SDO (C) hnenah an thlen a, motor lian te hi let tir leh tum anga an insawi laiin tukin dar 2:00 bawr vel khan Police Gate paltlangin Mizoram an lut tih hriat a ni an ti a, mahni nunna thapa VLTF te an duty laia thuneitu sang ten an thuneihna hmanga Mizoram, dinhmun hlauhthawnawma an dah fo chu an rilru a na hle tih an sawi. Hemi chungchang ngaihtuah hian Vairengte khawtlang hruaitute hi vawiin tlai khan an \hukhawm nghal a ni.
Hetihlai hian Kolasis District bawrhsap chuan sorkar laipuiin inkaihhruaina a siamah bungraw phur lirthei eng pawh an bungraw phurh thliar lovin tih khawtlai loh tur a ni tih a sawi a, motor lut leh chhuak a tam lutuk lohna turin Mizoram sorkar ruahmanna angin nitin mamawh phurte chauh kaltir a ni a, hna pawimawh zual bik atana Home Deptt lamin permit an pek motor tlem chu a kal tel ve a ni a ti a. Nizana thil thleng hi zan rei lam thil a nih avang leh lirthei din tir reng chu a him loh avang te, let tir leh dawnin Assam lamin harsatna an siam ve theih bawk si avangin lirthei te hi Police lamin an tlang tir ta a ni a ti a, Task Force te thlahnemngaihna leh Police te thahnemngaihna chu hriatthiam tawn a \ul a ni a ti.
