Chief Justice Rajendra Menon leh Justice VK Rao-te chuan tuialhthei man bithliah chungchang hi ram sum dinhmun sorkar laipuiin a enkawl danah nghawng thui tak nei leh kalphung duan sa a nih avangin court tan inrawlh a \ul lo niin an sawi a, ruahmanna thar sorkar laipui hnena pek pawh ngai an tih loh thu an sawi bawk a ni. Puan tawh angin tunhnaiah tuialhthei man hi nitin deuh thaw tihsan a ni a, hei hi titawp tura sorkar laipui thu pe turin Delhi mi, Puja Mahajan chuan ngenna a thehlut a, Mahajan-i hian khawvel huapa tuialhthei man a to vang niin sorkar laipui hian sawi mahse, tuialhthei man a tlawm lai pawhin tihhniam a ni chuang lo niin a sawi a, hemi chungchangah hian July thla pawh khan ngenna a lo thehluh tawh thu leh hnawl a lo nih tawh thu te a sawi bawk a ni.
