Nimin chawhnu atang khan buhfai, dal, alu, tel, chini leh nitin mamawh dangte lei khawl mi tam tak hmuh tur an awm a. ZONET palaiin nizan a Aizawl khawpui a fankualnaah Buhfai leh thil dang a hlawma zawrhna, Whole sale dawr te pawh nidang aiin a in hawng rei a, buhfai lei tur zawng vak kual te pawh an awm a, heng dawr hrang hrang te hian buhfai leh thil dang hralh tur an nei tawh lo deuh vek a, dawr \henkhatah chuan buhfai bag te chi tlem te la nei te an awm a, a then chu mi hauh sa te a ni hlawm a ni.
Covid 19 avang hian Vanapa Hall bula Mizofed petrol pump a petrol lak tuma lirthei intlar pawh zan lam thlengin hmuh tur an awm a, lirthei intlar te hi Assembly House a thleng hial a, zan dar 11 ah pawh petrol lak tum lirthei intlar belh pawh an la awm a ni.
Covid 19 avanga mipui chiai te hi tukin lamah pawh dawr hrang hrang ah buhfai leh thildang lei tuma thui tak intlar hmuh tur an la awm a, mipakhatin buhfai bag 10 a\anga 15 lei te pawh an awm thu dawrkai te hian ZONET an hrilh a, lirtheia tam tak phur chhuakte pawh an awm a, whole sale dawr zawng zawng deuh thaw chu tunah hian buhfai, Alu, dal, chini leh thil dang zawrh tur nei loin an awm a ni.
ZONET zawhna chhangin Dawr neitute chuan bungrua rawn thleng mai tur a awm thu an sawi a, dawr thenkaht erawh chuan an neih mai loh thu leh order chawp an ngaih thu an sawi.
