Task Force on Commodities thurel bawhzuiin Food Civil Supplies & Consumer Affairs Department chuan khaw tin leh veng tinah nitin mamawh ei leh bar te chhungkaw khatin mamawh baka tam chhek khawl lo tur leh lei \euh \euh lo turin a ngen a, hmun dang a\anga eitur lakluh, a kawma MRP inziakte reng reng MRP aia sanga hralh lo turin dawrkai leh sumdawngte a ngen a, nitin mamawh ei leh bar, tui leh eng te renchem turin mipuite a chah bawk a ni.
Nitin khawsakna atana mamawhte Mizoram chhungah tun aia chak zawka a lo luh theih nan Supply Department-in Movement Monitoring gate a neih tawh sa, tuna Taxation Department check gate-a awm mek chu Supply check gate awmna hmun hmasaah dah let leh ni se tih Task Force on Commodities chuan a rel a, Vairengte check gate hmasa berah LPG, POL leh sorkar buhfai phurte chhinchhiahna (sticker) pek an ni ang a, chutianga sticker belte chauh chu FCS&CA check gate panin an tlan tlang thei dawn a ni.
