NITI Aayog hnuaia District tih hmasawn tura thlan bik Mamit District-a hmalak dan tur ngaihtuahin vawiin khan Chief Secretary Pu Arvind Ray hovin sorkar mi pawimawhte Aizawlah an \hukhawm.
Chief Secretary chuan NITI Aayog chuan India ram pumpuia district hnufual tihhmasawn nan district thlang chhuak turin ruahmanna a siam a, Mizoramah chuan Mamit District thlan chhuah a ni a ti a, thiamna, zirna, tui supply, inkalpawhna kawng leh thil dang hrang hrangah Mamit District chuan hma a sawn theih nan department hrang hrang te \ha taka thawhho a \ul dawn a ni a ti.
Meeting-ah hian Mamit Bawrhsap Pu Bhupesh Chaudhary chuan Aspirational District hnuai hmalak dan tur tlangpui a sawifiah a, mipui nawlpui hriselna leh naupangte hnena eitur \ha pekna lam chu ngaih pawimawh bik a nih thu a sawi. Aspirational District Programme tuam tur hian India ram state 28 a district hnufual bik 115 thlan chhuah a ni a, He programme-ah hian sorkar laipui leh state sorkar chak taka an thawhho theih nan sawrkar laipuia Addl.Secretary leh Joint Secretary chin mi 115 chu district tin vil tura ruat an ni a, an ni hi Prabhari Officer tia vuah an ni a, Mamit District Pradbhari Officer chu Ministry of Chemicals and Fertilizers Addl. Secretary Dharam Pal a ni.
