He Workshop hawnna inkhawmah hian NIT Mizoram Director, Prof. Rajat Gupta chuan, Civil Engineering Department-in Programme lian tham tak an buatsaih thei chu thil lawmawm tak a ni tih a sawi a. Hei hian zirlaite chu a \ha lam zawnga a kiahhruai a beisei tih sawiin, an zirlai an zir chhoh zelna turah rahbi pawimawh tak a tuh sak ngei a beisei tih a sawi. NIT Mizoram Civil Engineering Department-a HoD Dr. H. Lalhmingsanga pawhin, tun hi an Department-in hetiang Workshop an buatsaih \um khatna a ni tih a sawi a. Department dang ngaihtuahin an Department chu an lian lova, heti chunga hetiang an thleng thei chu an tan chona lian tak a ni a, an Department pawhin hma a sawn phah zel a beisei tih a sawi. Dr. H. Lalhmingsanga chuan, Mizoram chu tlangram a nih avangin tuilian, lirnghing leh leimin duhna hmun a ni a, heng chhiatna hrang hrang thleng thei laka inven dan leh lo inpuahchah lawk dan he Seminar-ah hian zir ho a ni dawn tih sawiin, hei hi zirlaiten an hlawkpui ngei a beisei tih a sawi.
He Workshop-ah hian NIT Mizoram bakah PHE, PWD, P&E, MZU, SIPMIU leh Tourism Department a\angin aiawh an tel hlawm a, ni 5 Workshop neih a nih chhungin IIT Kharagpur, NIT Silchar, IIT Guwahati, MZU leh Mizoram PWD a\anga mithiamte Paper buatsaih zir ho \hin a ni dawn a ni.
