Damdawi lam zirlai kum 25 mi nula pakhat, Nirbhaya tia a hming leh vuah tak rawng taka pawngsual rawna that zuitute zinga mi Pawan Gupta hian Supreme court-a a chungthu ngaihtuah naw leh tura a ngenna pawh hnawl a ni a, Pawan Gupta hi kum 25 mi a ni a, amah chauh hi an zingah dan hnuaia hmalak theihna la nei awm chhun a ni tawh a, hapta liamta khan Supreme court ah hian a chungthu ngaihtuah nawn leh tur leh thi tura a chungthu rel chu dam chhung tang tura thlak tura ngenna a thehlut a ni.
Supreme Court ah hian Judge panga awmna Justice NV Ramana kaihhruai chuan Pawan Gupta ngenna hi ngaihtuahin, ngaihtuah nawn a \ulna chhan \ha tawk a awm lo tiin a hnawl a ni.
Hemi hmalam hian Supreme court chuan Mukesh Kumar Singh, Vinay Kumar Sharma leh Askhay Kumar ten zahngaihna an dilna hnawl a nih chungchang an khinletna pawh a lo hnawl tawh bawk a ni.
Kum 2012 Decembeer ni 16 khan mi pali te hian Nirbhaya hi Delhi ah pawngsual rawnin nasa takin an nghaisa zui a, Nirbhaya hi Singapore Damdawiin pakhatah ah a hliam tuar lovin December ni 29 khan a thi a ni. Pawngsualtute zinga pakhat chu a hunlai khan kum 18 a la tlin loh avangin nun insiam \hatna hmunah dah a nih hnuah a zalen tawh a, an hotu ber Ram Singh chu Jailah a lo inawkhlum tawh bawk a ni.
