Vinay Sharma hian amah leh amah intih nat tumin a lu in a tanna Jail bang chu a tauh chiam tih Jail thuneitute chuan an sawi a, a hliam na lutuk lo thung. Tun kar tir lam khan Vinay Sharma-a ukil chuan Jail chhungah hian chaw a nghei mek tih leh a rilru a buai deuh tih Delhi Court a lo hrilh tawh a ni. Court chuan Thawh\anni khan Vinay Sharma leh midang pathum, Akshay Thakur, Pawan Gupta leh Mukesh Singh te hi khaihlum turin thupek a ti chhuak nawn leh a, hei hi a \um thumna a ni tawh a ni. Heng mi te hian kum 2012 khan damdawi lam zirlai Nirbhaya tia a hminglem vuah chu Delhi ah pawngsual rawnin, nasa taka an nghaisa a, he hmeichhe khawngaihthlak tak hni a hnuah a thi zui a ni. Thiam loh chantir an nih hnu hian pawngsualtute hian dan hnuaiah pumpelhna chi hrang hrang an zawn kual avangin khaihlum an nih hun tur chu vawi hnih sawn a lo ni tawh a ni.
Nirbhaya-i nu chuan tuna pawngsualtute khai hlum hun tura ni ruat March ni 3-ah chuan khaihlum tak tak an nih tawh ngei a beisei thu a sawi a, pawngsualtute chuan hun an ngah tawk tawh a ni a ti a, March ni 3-ah chuan rorelna dik hmu tura a beihna chu a chawlhsan theih tawh a beisei thu a sawi.
Kum 2012 December ni 16-a pawngsualna rapthlak tak thubuaiah hian mi 6 man an ni a, pakhat chu kum tling lo a nih avangin kum 3 chhung a nun siam\ha tura khung a nih hnuah chhuah a ni a, a phusa ber nia sawi Ram Singh chu a tanna Jail chhungah a lo inawkhlum tawh bawk.
