Supreme Court-a a chungthu ngaituah nawn tura ngenna thlentu hi Vinay Sharma a ni a, kum 26 mi a ni. Midang pathum khai hlum tura an chungthu rel te hi kum 32 mi Mukesh Singh, kum 25 mi Pawan Gupta leh kum 31 mi Akshay Kumar Singh te an ni a, Tihar Jail ah khaihlum tura an chungthu rel a ni a, court chuan heng mi palite khaihlum tur hian thla khat liamta a\ang khan thuneitute an inbuatsaih \an tawh tih a sawi.
Thi tura an chung thu rel a nih thu an hriat hian heng mi palite hi an tanna Jail-ah hian an \ap chhuak nia sawi a ni a, Court thupek ang chuan ni 14 chhungin khaihlum tur an ni a, ni tlemte an neih hi thihna laka an him theihna tura hmalak theih hun an neih chhun a ni tawh a ni.
Heng mi palite hi khaihlum an nih hma chuan khung hran an ni dawn a, an chhungte an hmuh pawh phal a ni dawn lo a ni. Central sorkar chuan heng mite chunga zahngahihna lantir lo turin President Ram Nath Kovind chu thla hlui khan thurawn a lo pe tawh a ni.
Hemi hmalam hian Supreme Court chuan mi pali zinga pathumten an chungthu ngaihtuah nawn tura ngenna an thehluh chu a lo hnawl tawh a, pakhatin zahngaihna lantir tura a ngenna pawh a lo hnawl tawh bawk.
