He lawmman hi mihring dikna leh chanvo humhalh kawngah leh mihringte zahawmna venhim kawnga huaisen taka ding te hnena pek a ni \hin a ni. McCain Institue chuan Chhaya hian kum 19 chhungin thubuai engemawzat chhuinaah a pawl te a kaihhruai \hat bakah mihring, a bik takin hmeichhiate leh naupang dikna leh chanvo vawnghimtu a nih avangin chawimawi a phu tih an sawi.
Chhaya hian thubuai engemawzat chhuinaah hma hruai tawh mahse Nirbhaya thubuai hian ngaihven a hlawh ber a, a kaihhruaina hnuaiah ni 6 chhungin state 5-ah pawikhawihtute zawnchhuah an nih hnuah ni 18 chhungin charge sheet hi peihfel a ni a, pawikhawihtute hi thiam loh chantirin hremna na ber pek a ni. Chhaya hian ram chhunga mihring tawlhrukna dolet kawnga hmalak dan tur, Standard Operating Procedures and Guidelines to Combat Trafficking of Persons in India tih duannaah pawh chanvo pawimawh tak a chelh bawk a ni.
