Pawngsualtu thiam loh chantir mi palite hi tun thla ni 22 zing dar 7 ah khai hlum turin Delhi Court hian a rel a, rorelna hi vawiin tlai thim dawn hnaihah khan puan a ni.
Kum 2012 December thlaa Nirbhaya pawngsual rawntu mi pali, Pawan Gupta, Mukesh, Vijay Sharma leh Akshay Kumar Singh te hian Nirbhaya hi an pawngsual rawn hnuah rawng takin an nghaisa hlum a, he sualna rapthlak tak hian rampum a nghawng a, pawngsualtuten hremna na zawk an hmuh theihna turin dan dinglaite pawh siam\hat a ni.
Kum 23 mi, Damdawi lam zirlai Nirbhaya hi bus chhungah pawngsual a ni a, mi parukin an pawngsual rawn a, thir tlawn leh hmanraw dang hmangte-a an sawisak rawn hnuah bus a\angin an paih chhuak a, damdawiin-a dahluh nimahse, a nunna chhan theih a ni ta lo a ni.
Mi paruk zinga pakhat hi kum 18 la tling lo anih avangin kum 3 chhung special home ah dah a ni a, midang pakhat Ram Sing chu Jail chhungah a lo inawkhlum tawh a ni.
Supreme Court chuan thla hmasa khan pawngsualtute thi tura an chungthu rel ngaihtuah nawn tura ngenna lut chu a lo hnawl tawh a ni.
