Ningania Gulf of Oman-a tuialhthei phur lawng pahnih beitu-ah US-in Iran a puh.

US Secretary of State Mike Pompeo chuan Iran ram chu inbeihnaa hian mawhphurtuah puhin hetiang hian \um dangah pawh lawng dang a lo bei tawh \hin niin a sawi a, he inbeihnaa ralthuam hmante enin helai bawr velah hetiang ralthuam nei hi Iran bak a awm loh thu a sawi bawk a ni. Iran erawh chuan US puhna hi a pha a, US hian finfiahna emaw behchhan emaw pawh nei loin Iran chu tharum thawhah a puh niin a sawi a, tuialhthei phur lawng pahnih beih a ni chu an dem thu an sawi bawk a ni. Puan tawh angin Ningani khan Gulf of Oman-ah tuialhthei phur lawng chu tui chhunga kah chhuah theih bomb hmanga beih a ni a, lawng pahniha chuangte hi him taka chhanchhuah vek an ni a, inbeihna hian za zela 4-in tuialhthei man a ti sang nghal a ni.