Hliappui khuaah hian chenna in 372 zingah rial tla hian in 190 chu a chung thlak vek ngai khawpin a deng chhia a, a then azar siamthat ngaiin 78 a awm bawk a ni. Zirtawpni atang khan in chung chhia te siamthat hnatlang hi neih a ni a, Inrinni khan Ngopa BDO Pi Lalhruaitluangi chuan Hliappui khua hi tlawhin khawtlang dinhmun leh hnatlangte hnathawh dan a enpui a, BDO in a tlawh lai hian la khawih miah loh in chung chhe vek 20 leh chei that ngai 15 a la awm ni. Hliappui khuaa chenna in chhia te hi Hliappui khawtlang leh khawchhehvel atangte in mi tlawmngaiten Zirtawpni atang khan hnatlang in an siam tha a, nimin Pathianniah pawh khan chawl thei lovin hnatlang hi chhunzawm a ni.
