Pu C Lalfakzuala hi Central YMA kaihhruaina hnuaiah YMA branch hrang hrang a\anga thawk chhuak mi tlawmngai ten an zawng chhunzawm zel a, Central YMA ruahman angin vawiin khan Sihhmui kaiah Khatla, Tuikual South leh Dawrpui Branch YMA-in an zawng a, Sairang kaiah Chhinga Veng, Venghlui leh Zarkawt Branch YMA-in, Buichali-ah Armed Veng, Dawrpui Vengthar leh Ramhlun South Branch YMA-in, Chawnpui, Dinthar leh Tuikual North Branch YMA-in Mualkhangah, Armed Veng South, Aizawl Venglai leh Chaltlang Branch YMA-in Khamrangah te an zawng a ni. Vawiin lamah tui a kam deuh tawh avangin lui dung hmun hrang hrang chu tui thiamten an dap a ni.
Zawhna chhangin Central YMA President, Pu Vanlalruata chuan, naktuk hi Mizo danah a ni 7-na a nih tawh avangin Pu C Lalfakzuala hi hmuh la ni lo anih pawhin, a nawlpuia zawn hna chu tawp san rih a nih tur thu a sawi a. Naktuk lamah chuan a bika Duty tur insiam lovin a duh apiang tan tlawmngaia thawh chhuah theih a nih tur thu a sawi.
