Govt Complex khawtlang hruaitute hnen a\anga thudawn danin ang veng pa Pu C Lalfakzuala te hi midang pahnih nen maupum hmangin Nghalchawm bul, Dialdawk kai Tlawng lui-ah lui kan an tum laiin an chesual a, a chetsualpuite hian Govt Complex khawtlang hruaitute an hriattir veleh khawtlang mipuiten Pu C Lalfakzuala zawn hna hi an thawk nghal a ni.
Pu C Lalfakzuala hi Pu LN Tluanga Aizawl Electric veng fapa a ni a, Electric veng mipuite pawh Pu C Lalfakzuala zawng hian an thawk chhuak nghal a, Govt Complex mipuite nen Sihhmui kaiah buk sualin an inkhuar a ni.
Central YMA hnuaia Disaster Response Team te pawhin an hmanrua neih ang ang leh lawng te thawhchhuahpuiin Pu C Lalfakzuala zawn hna hi an thawk a, Sairang mipuite pawh Sairang kai Tlawng kamah an inkhuar bawk a, a thlang lamah Khamrang, Hortoki leh Tlawnglui hnaiha awm khua ten an hmun \heuhah an zawng mek bawk.
Hortoki-ah chuan Joint YMA leh VC \angkawpin Hortoki kai Khava kai ah Duty-na hmun siamin Pu C Lalfakzuala hi an zawng a, Hortoki khawtlang hruaitute chuan Mizo danin Nisarih chhung chhunzan zawmin an zawng dawn tih an sawi.
