Philippines-a chhanchhuah hna thawktute’n Manila bula lir nghingin building a sawi chimah chhanchhuah hna an thawh mek laiin magnitude 6.3-a na hian a sawi nawn leh a, thuneitute chuan lei chhung km 70-a thuk a\anga in\an lirnghing hian thil a tih chhiat an zirchiang mek tih an sawi a, mipuite chu a siper, aftershock thleng leh thei laka inralring turin thurawn an pe a ni.
Lirnghing hi Pampanga province-in a tuar na ber a, hriat theih chinah mi 11 an thi a, mi 100 chuang an hliam bawk a, hmun kilkhawr zawk te dinhmun hriat chian theih anih hunah thi leh hliam zat hi an pun rin a ni. Lirnghing in a sawi hnu hian a siper, aftershock \um 400 chuang a thleng tawh tih Philippines-a lir nghing zir chiangtu seismologist te chuan an sawi.
Chhanchhuah hna thawktute hian building chimin a chhilh mi tangte chu chhanchhuah tumin hmanraw chi hrang hrang hmangin an bei a, Pampanga Governor Lilia Pineda chuan building kara tangte chilh palh a hlauhawm avangin laih chhuah hna hi uluk taka kalpui a \ul tih a sawi a, chhanchhuah hna thawktu Cris Palcis chuan mi tangte tan hian second tin a uiawm avangin chet ran a ngai hle tih a sawi.
