Nimina North leh South Korea ram hruaitu lu pahnihte inbiakna chu thil chinchhiah tlak, bung thar kaina a ni tih North Korea media in a tarlang

Nimina North leh South Korea ram hruaitu lu pahnihte inbiakna chu thil chinchhiah tlak, bung thar kaina a ni tih North Korea media in a tarlang. North hotupa Kim Jong-un leh South lam hotu Moon Jae-in te hian nuclear ralthuam titawp turin an inrem a, mi tam tak rin loh dan takin North Korea sorkar enkawl TV channel leh KCNA News Agency te chuan he inbiakna hi nasa taka fakin, ram pahnih hruaituten nuclear ralthuam tih tawp an remti chu thil chhinchhiah tlak tak a nih thu an puang a ni. North Korea lamin indona ti chhuak tur awm ang taka aw a neih hnu thla khat hnuah inbiakna hi neih a ni a, Kim hi kum 1953 Korea ram indona zawh hnua South Korea leilung rap leh hmasa ber a ni. Ram pahnih hruaitute hi an sipaite awp chin ve ve ramri ah hlim takin an inchibai a ni. Kum engemawzat kalta a\ang khan North Korea hian a nuclear ralthuam tih tawp a tum loh thu a lo sawi nawn fo tawh a, hei hi US in a n>kna laka a lo inven himna tur niin a sawi \hin a, hetianga ram pahnih hruaitute inbiakna boruak Media-a lo lang hian nghawng na tak a nei dawn tih BBC Corr chuan a sawi.