He thil thleng chungchang Zonet zawhna chhangin Kolasib SP Pu Vanlalfaka chuan, naupang rukbo tum nia sawi an man pahnih zinga a upa zawk hi kutdawh, hmun hrang hranga vak kual \hin a nih bakah rilru lama harsatna nei a ni a. Saikhawthlir daia leilet hmuna a kal chu a bul hnaia awm naupangten hlauin an tlanchhia a, hei hi puitlingin an hriat ve leh an man nghal a, hemi hnu deuh hian kawnga an kal laiin an man zinga naupang zawk hi an tawk a, an man hmasak hian a \hianpa nia a sawi avangin an man ve nghal a, an mi mante hi Bairabi Police Station-ah an hruai a, he thil thlenna hmun hi Mamit District chhung ni mah se, Bairabi-a an rawn hruai avangin an hnaih zawk bawk avangin he thil thleng hi an chhui chiang nghal a ni. Pu Vanlalfaka chuan, an chhui chianna a\angin heng mi pahnihte hi naupang rukbo tum an ni lo tih hriat a ni a, an man zinga a upa zawk phei chu a chhungten Bairabi Police Station-ah rawn ngaihvenin, mi a ang pha chiah lo tih an sawi a, pakhat zawk pawh ABCI-a Cook hna thawk \hin a ni a, an chhui chianna a\angin heng mi pahnih hian Mizorama lut tura phalna an neih loh avangin tunah hian Bairabi Police Station-ah hren mek niin, phalna nei lova Mizoram luh thubuai siamsak an ni tih a sawi.
Pu Vanlalfaka chuan, tunlaiin India ram pumah naupang rukbo ching an awm nia sawi a nasat avangin hetiang naupang rukbo tum nia sawi man an ni hi thil \ha tak ni mah se, hetiang mi rinhleh man an awm a nih pawhin a pawng a puia kut thlak ngawt lova, thuneitute hnena hlan nachang hriat a pawimawh hle a ni, a ti a. Tun \um thil thlengah pawh hian pawikhawihtu ni loten mipui kut an tuar chu a zia lo hle a ni, a ti. Zawhna chhangin Kolasib SP chuan, he thil thlengah hian kut tuartu lamin thubuai an thehluh loh avangin heng mi pahnih kut thlaktu Social Media-a darhte chu tumah man an ni lo tih a sawi a, tuh hnu zelah pawh he thil hi mipuiten fimkhur phah nan hmang se a duh thu a sawi a ni.
Nimin khan Mamit District chhunga Saikhawthlir daia leilet-ah hnam dang pahnih naupang rukbo tum nia sawi hi man an ni a, Social Media-a a darh danin, heng an mi man pahnihte hian mipui kut an tuar nual a ni.
