Lirnghing in a sawi hi Indonesia thliarkar pakhat Lombok ah a ni a, mitthi leh hliam te hi thliarkar hmar lama cheng deuh vek an ni. Magnitude 6.9-a na lirnghing hi lei chhungril km 30 vel a\anga in\an a ni a, in tam tak a sawi chim a, kawlphetha pekna hrui te pawh a chat nasa hle. A bul hnai thliarkar pakhat Gili-a ram dang mi khualzin cham mek sang chuang chu hmun him lamah hruai chhuah an ni a, Bali ah pawh mi pakhatin a thih phah bawk. Na taka lirnghin hnua na lo deuh zawka nghing nawn leh \hin aftershock vawi 130 chuang chuang chhinchhiah a ni tawh a, Lirnghing hian Tsunami thlen mai thei tura ngaih a nih avangin thuneitute chuan mipuite fimkhur turin an chah a, tun dinhmunah erawh Tsunami hi hlauhawm tawh lova ngaih a ni. Khualzin ten an tlawh nasat tak Lombok ah hian hapta liam ta mai khan lirnghing vangin mi 16 an lo thi tawh a ni.
Chanchin Thar Nimina Indonesia-a lirnghing avangin mi 91 an thi a, midang za tel...
