Mipui an ralkhel hle a, mahni in-a riak ngam lo mi engemawzat chu Community hall ah an riak khawm a, Section YMA ten anmahni section huam chhungah Sipoulin te zarin riah buk an sa bawk.
Dungtlang khuaah hian lirnghingin a sawi chhiat in pakhat chu thiah a ni tawh a, in pali vel thiah leh tum mek a ni. In khi leh siam that ngai ngai 30 chuang a awm a ni. Presbyterian Kohhran Biak In sak lai leh UPC Mizoram biak in sak mek, la luah loh te chu lirnghing hian a sawi khi nasa hle a ni.
