Nimin tlai dar 4 vela thlipui tleh avangin Champhai District-a Kelkang khuaah chuan mihring chenna in 10 vel a chhia a, heng zinga pahnih chu luah theih loh khawpin a chhia a ni.

In chhe nasa zual pahnih te hi Pu Lallianmawia leh Pu Lalrinchhana te in a ni a, Primary School II-a chaw chhum in pawh thli tleh hian a tichhe bawk. Thli tleh rual hian ruah nasa takin a sur a ni. In chhe bakah hian
Kelkang khaw bula Bethel-na hmun lama electric lakna hrui pawh thing tlu-in hmun hnihah a delh chhia a, Kelkang Vengthar kawnah electric ban pakhat pawh thli tleh hian a chhem tlu a ni. Electric ban leh line chhia te hi vawiin khan Power Deptt. mite chuan an siam \ha leh a, Kelkang VC leh YMA te ruahman angin hnatlangin in chhia te hi vawiin khan siam\hat a ni a, in chhe nasa zualah chuan an in sakna ch^k te senghawi sak a ni bawk. Hnatlangah hian mi 200 vel an thawk chhuak a ni.