Nimin Pathianni kha MNF dintu, President hmasa ber Pu Laldenga thihcham vawi 29-na a ni a, Pathianni a nih avangin tukin dar 7:00 khan a thlan, Treasury Square-ah amah hriatrengna hun hman a ni.

MNF Vice President Pu R. Tlanghmingthanga kaihruaia Pu Laldenga zahna lantirnaah hian MNF President, Chief Minister Pu Zoramthanga’n thu tawi sawiin, Mizo hnam chu Pu Laldenga kaltlangin thuthlung ropui tak ‘Pathian leh kan ram tan’ tih a pe a ni a ti a, sorkar an kaihhruai danah te, mipui nen an indawrnaah te leh ramdang nena an indawrnaah te ‘Pathian leh kan ram tan’ tih thuthlung chu an kalsual palh tur vengtu a ni a ti.

Pu Laldenga nupui Pi Lalbiakdiki pawhin, kumtin kum 29 chhung Pu Zoramthanga kaihhruaia a pasal zahna leh hriatrengna hun hman a ni \hin chu lawmawm a tih thu a sawi.

Pu Laldenga thlanah hian Pu Laldenga nupui Pi Lalbialdiki bakah Chief Minister Pu Zoramthanga, Minister, MLA te leh AMC Councillor te bakah Pu Laldenga ngaisangtuten zahna lantirin pangpar an dah a ni.