Nimin Pathianni kha Lal Isua Krista Jerusalem-a Lal anihna lantira ropui taka a luhna ni, Tumkau ni a ni a, hrileng vanga inkharkhipna kalpui mek anih avangin Local leh Village Level task force te remruatnain remchan dan anga hman a ni.

Palm sunday-ah hian kum dangah chuan zingkarah naupang leh anmahni \awiawmtu puitlingten kawng zawhin hosana tia aurualin Lal Isua an chawimawi \hin a, kuminah erawh chuan Covid 19 hri leng avanga inkharkhipna kalpui a nih avangin kawnzawh theih a ni lo a. Mizoram hmun hrang hranga Local leh Village Level Task Force te ruahmanna siamin veng chhung information puanna a\angin Lal Isua chawimawia aurualna hun hi kaihhruai a ni a, chhungtinin an mahni bathlar leh tukverh leh inchung zawl a\ang te in an lo zawm a, kum dang angin tumkau pawh lak theih a nih loh avangin mi tam takin puan var leh hmanraw remchang dangte chung lamah vaiin Lal Isua an chawimawi a ni.