Jammu and Kashmir Kupwara district-a Mandigam area-ah vote thlak hun khar zawha vote thlak buaipuitute haw lam chu mipui lungawi loin lungin an vawm a, hnathawkte venghimtu sipaite nen an innawr a, hetah hian mi 4 an hliam a, damdawi in-a hruai an nih hnuah pakhat chu a hliam tuar loin a thi a, hmun dangah pawh polling station-a inthlan buaipuitute te hi lung a vawm an ni tih report thuneitute chuan an dawng bawk.
Chattisgarh-a Naraynpur district-a vote thlak hun khar a nih hnu dar 4:20 velah inthlan buaipuitute venghim tura ruat sipaite chu polling station a\anga an let laiin Maoists te’n silaiin an lo bei a, an inbeihna lamah hian Special Task Force constable Hriday Ram Sahu a hliam a, Maoist pawl mi pakhat kahhlum a ni.
