ZMC Covid 19 Laboratory-ah hian sample 224 endik a ni a, chung zinga mi 219 chu hri laka an fihlim laiin, mi 5-in hri an kai tih hmuh a ni thung. Hri kai hmuh tharte hi BSF sipai, hnam dang vek an ni a. An vai hian natna lan chhuah dan nei lo an la ni hlawm a, inkhung hranna hmun awm niin, Maharashtra leh Jharkhand atanga lo haw 2 ve ve West Bengal atanga lo haw pakhat an ni. Nimin vek khan Lunglei Civil Hospital-a TrueNAT Laboratory-ah sample 30 endik a ni bawk a, Lungleia sample endik zawng zawng hi hri lakah an fihlim vek thung a ni. Nimin thleng khan Lunglei-a TrueNAT Laboratory-ah hian sample 643 endik a ni tawh a. Chung zinga mi 16 chu rinhleh awm ni mah se, mi 11-in hri an kai tih finfiah a ni.
Hri kai zinga 159 chu enkawl dam an ni tawh a, vawiin lamah enkawl dam, damdawi in atanga chhuahtir an awm lova, Mizorama hri kai hmuh tawh zingah thi an la awm lo a ni.
