Nilainia Mizoram Assembly inthlanna neih tura Campaign chuan a vawrtawp a thleng chho ta. Party hrang hrang leh an candidate-te chuan theih tawp chhuahin \an an la a, vantlang inkhawm hmun hrang hranga an buaisaih bakah in hrang hranga a huhova luta Campaign an awm bawka, Campaign theih hun hi thawh\an tlai dar 4-ah a tawp tawh dawn a ni. He tih lai hian hmun hla pana Polling Party chhuak tur te chu tun thla ni 26, Thawh\anniah an chhuak \ang ang.

Election Department hotute hnen a\anga ZONET thudawn danin Thawh\annia chhuak tur te zingah hian Aizawl District huam chhunga Tuivawl bial, Chalfilh bial, Mamit District-a Polling Station 4, Lunglei District-a khaw hla zual, Lawngtlai District leh Siaha District-a khaw hla leh kal harsa zualte a tel a, hemi ni hian a za vaiin Polling Party 206 an chhuak ang a, a bak Polling Party 962 te chu a tuk, Thawhlehniah an chhuak dawn a ni. Hengte hian Aizawl khawpui chhung, District Hqrs. khawpui hrang hrang leh hmun hnai deuha Polling Station te a huam dawn a ni. Aizawl District bikah chuan Assembly bial 14-a vote nei mi 2,89,456 tan Polling Station 328 siam a ni a, heng zinga 10 chu Polling Station ven uluk ngai zual, Critical Polling Station a ni. Mamit District-ah chuan bial 3-a vote nei mi 65,531 tan Polling Station pangngai 116 bakah Tripura Bru Camp-a awmte vote thlakna tur Polling Station 9, Kanhmunah siam belh a ni a, Pollling Station ven uluk ngai zual 4 a awm a, hemi bakah hian Kanhmuna Temporary Polling Station 9 te pawh ven uluk ngai zual zingah telh a ni. Kolasib District-ah chuan bial 3-a nei mi 57,551 te vote thlakna turin Polling Station pangngai 81 a awm a, hemi bakah hian Mamit District-a Kanhmunah Temporary Polling Station 3 an nei bawk a ni. Champhai District-ah chuan Assembly bial 5-a vote nei mi 84,705 tan Polling Station 137 siam a ni a, heng zingah hian Lungtan Polling Station chu ven uluk ngai zual zingah a tel a ni. Serchhip District bial pathuma vote nei mi 48,980 tan vote thlakna tur Polling Station 77 siam a ni a, heng Polling Station-a duty tur Polling Party te chu ni 27-an an chhuak ang. Lunglei District-a Assembly bial 7 vote nei mi 1,05,075 te vote thlak nan Polling Station 185 siam a ni a, heng zinga 7 te chu ven uluk ngai zual zinga tel an ni. Lawngtlai District-ah pawh Assembly bial pathuma vote nei mi 80,221 te vote thlakna turin Polling Station 161 siam a ni a, an zinga 8 chu ven uluk ngai zual an ni. Siaha District-ah pawh Assembly bial pahniha vote nei mi 38,876 tan Polling Station 79 siam a ni a, heng zinga pahnihte chu ven uluk ngai zual an ni.

Vote thlak ni hian zing dar 7 a\anga tlai dar 4 thleng vote thlak theih a ni ang. Vote thlaknaa atana hman EVM te chu vote thlak zawh veleh khara, seal veka, vote chhiarna tur hmun District Hqrs. \heuh panpui a ni ang a, Strong Room-ah dahlutin vote chhiar ni tura ruat December ni 11 thleng \ha taka ven a ni ang.