Varthaman chhuah zalen a nih tur thu hi Pakistan PM Imran Khan chuan a lo puang tawh a, an thutlukna hian ram pahnih kara remna a awm an duhzia a lantir niin a sawi a ni. Puan tawh angin nilaini kalta khan Pakistan F-16 indo thlawhna 24 chuan J&K-a Line of Control hrul-ah beihpui thlak an tum a, hei hi Indian Air Force-te chuan an lo bei let a, Varthaman hian Pakistan indo thlawhna pakhat a kah thlak hnuah, a thlawhna hi kah thlak a ni ve leh a, parachute hmanga a uai thlak hnuah, Pakistan sipaite’n an lo man ta a ni. Varthaman hi hnungkhirh leh mit tuam chunga thu zawhfiah a nih lai video thlalak thehdarh a ni a, ram hrang hrangin hei hi Geneva Convention inremna bawhchhiatnaa an ngaih avangin chhuah zalen turin Pakistan hi an phut thu an sawi a ni.
Varthaman hi Punjab Amritsar a\anga km 30 vel leka hla, ramri hrula Attari Joing Check Post-ah mi \hahnem takin an lo hmuak a, a lo hmuaktu tam zawkte chuan pasal\ha huaisen tak niin an sawi a ni.
Varthaman chhuah zalen tur hian US, UAE leh Saudi Arabia-te’n Pakistan an nawr nasa hman hle a, US Secretary of State Mike Pompeo pawhin ram pahnih inkar buaina hi ram pahnih hruaitute ve ve a sawipui nghal thu a sawi bakah, UAE Crown Prince Sheikh Moamed bin Zayed pawhin ram pahnih PM ve ve a biak thu a sawi ve bawk a, China pawhin khawvel ram hrang hrangte pawm tlan inremna bawhchhe zawnga Pakistan a chet an remtih loh thu a sawi ve bawk a ni.
